હું પણ એક માં છું એટલે એ વાત સારી રીતે સમજી શકું છું કે દરેક માં ઈચ્છે છે કે એનું બાળક તેજસ્વી , હોંશિયાર બને અને લાખો ની ભીડ માં પણ અલગ તરી આવે . પરંતુ આજકાલ તો બાળકો ને સુપર કીડ બનાવવા ની જાણે કે પેરેન્ટ્સ માં અને એમાય મમ્મીઝ માં તો હોડ જ લાગી છે . આજની માતાઓ એક્ટીવ છે એ વાત સાચી , પહેલા ના કમ્પેરમાં અત્યાર ની મમ્મીઝ વધારે સજાગ છે બાળકો ના વિકાસ ને , તેમના એડજયુકેશન ને લઈને .પણ આજકાલ ની મમ્મીઓ ખુબ જ પઝેસીવ થઇ ગઈ છે તેમના બાળકોને લઈને. ખૂબજ હાઈપર થઇ ગઈ છે . એ ખરેખર બાળકોના માટે સારી બાબત નથી . મમ્મીઓ એ એ પણ વિચારવું જોઈએ કે ક્યાક પોતાના બાળક ને સુપર ચાઈલ્ડ બનાવવા ને બનાવવા માં એમનું બાળપણ તો નથી છીનવી રહી.
આજકાલ નાના નાના ભૂલકા ઓ પણ એટલી બધી એક્ટીવીટીઝ કરતા હોય છે કે આપણ ને એમ થાય કે આ રમતા ક્યારે હશે .એમાય એતો ભગવાન જ જાણે કે આ એક્ટીવીટીઝ તેઓ પોતાના મનથી કરતા હશે કે મમ્મી ઓ ની ઈચ્છાથી . આજે સાત થી આઠ વર્ષ ના બાળકો સવારે વહેલા ઉઠી સ્કૂલ જાય , આવીને જમીને સીધા ટ્યુશન ,પછી ડાન્સ ક્લાસ કે સ્કેટિંગ કે કરાટે વગેરે વગેરે કલાસીસ માં જાય અને છેક સાંજે નવરા પડે ત્યાતો ટ્યુશન નું ને સ્કૂલ નું હોમવર્ક ઉભું જ હોય . તમેજ કહો કે આમાં એ રમે તો રમે ક્યારે . અને એમાય આ બધી એક્ટીવિટી માંથી નવરા પડે તો પોતાની મન ગમતી પ્રવૃત્તિ કરે અથવા તો મનપસંદ રમત રમે ને. અને આ બધું ઓલ થેન્ક્સ તું મમ્મીઝ .

* હાઇપર મોમ એટલે શું ?


હાઈપર મોમ એટલે એવી મમ્મીઝ કે જેઓ સ્કૂલ બાદ પણ પોતાના બાળકો ને આખો દિવસ વિવિધ પ્રવૃતિઓ માં વ્યસ્ત રાખે છે . બાળકને સ્માર્ટ બનાવવા ની ઘેલછા માં આવી મમ્મીઓ એ પણ ભૂલી જાય છે કે પોતાના વિચારો ને ઈચ્છાઓ બાળક પર આટલી થોપશે તો બાળક પોતાની જાતે વિચારતા ક્યારે શીખશે . ઘણી હાઈપર મોમ તો બાળક ને રીતસર નો રોબોટ જ બનાવી દે છે . આટલા વાગે ઊઠવાનું , જમવાનું , રમવાનું , ભણવાનું , એકટીવીટીઝ , આ ક્લાસ ને પેલા ક્લાસ …આમાં ને આમાં બાળક નું આખા દિવસનું શેડ્યુલ એટલું ટાઈટ બનાવી દે કે બાળક ને પોતાને ગમતી પ્રવૃત્તિ કરવાનો પણ સમય ન મળે. આવી મમ્મીઝ ને મારે ફક્ત એટલું જ કહેવું છે કે બાળકના ફ્યુચર ને લઈને ઉત્સાહી હોવું સારી બાબત છે પરંતુ ઘેલછા નકામી છે . બાળકને વધુ પડતી પ્રવૃત્તિ માં વ્યસ્ત રાખવાથી નાની ઉમરમાં એના પર વધુ પડતું પ્રેશર આવી જાય છે . એને કોઈપણ પ્રવૃત્તિ રમતા રમતા ગમ્મત સાથે કરાવો. આ સિવાય કોઈપણ એક્ટીવીટીઝ એની ઉમર અને એના શોખ ને ધ્યાન માં લઈને કરવો. જેથી એ એને સારી રીતે એન્જોય કરે .

* મમ્મીઓ હાઇપર કેમ થાય છે ?

દરેક મમ્મી પોતાના બાળક ને પરફેક્ટ બનાવવા ઈચ્છતી હોય છે , અને એ સ્વાભાવિક પણ છે . પણ આ પરફેક્ટ પ્લાનિંગ માં તેઓ પોતાની ઈચ્છાઓ બાળકો પર થોપી રહી છે , એ ભુલી જાય છે . અમુક મમ્મીઝ એવું સમજતી હોય છે કે અમુક વસ્તુઓ જે એમને નાનપણ માં નથી મળી જેવી કે ક્રિકેટ , ડાન્સ , ફૂટબોલ જેવી એક્ટીવીટીઝ કે બીજા શોખ તે તેઓ એમના બાળકો દ્વારા પૂરા કરવા ઈચ્છે છે . આમાં ને આમાં તેઓ એ જાણવા ની તસ્દી સુધ્ધા નથી લેતા કે બાળકોને એમાં રસ છે કે નહિ. અમુક માતા પિતા તો બાળકોને મોંઘા કલાસીસ માં ફક્ત સ્ટેટસ ના લીધે મુકતા હોય છે . બાળકો ને કોઈપણ એક્ટીવીટી કે કલાસીસ માં બીઝી રાખવામાં કઈ ખોટું નથી, શરત માત્ર એટલી જ કે એમને એમાં રસ હોવો જોઈએ .

* હાઇપર હોવા થી કેવી રીતે બચશો ?


– બાળકો ને સ્કૂલ માં થી આવ્યા બાદ પૂરતો રેસ્ટ આપો.
– તેમને એજ એક્ટીવીટીઝ ક્લાસ માં મોકલો જે એક્ટીવીટી માં એમને રસ હોય.
– બાળકો ના દરેક કાર્ય ને જજ ના કરો.
– વાતે વાતે એમને ટોક્યા ન કરો, એમને એવું કહ્યા ન કરો કે તે આ કામ બરાબર નથી કર્યું.
– બાળકો ને પણ થોડો સમય જોઈતો હોય છે પોતાના માટે જેમાં તેઓ પોતાની મરજી નું કામ કરી શકે.
– બાળક પાસે વધુ પડતી અપેક્ષાઓ ન રાખો . તેમને દરેક કસોટી પર ખરા ઉતરવા માટે પ્રેશર ન કરો.
– બાળકો ને એકઝામ માં માર્ક્સ ઓછા આવે તો તેમને હાઈપર થઈને વઢો નહિ .આમ કરવાથી તેમનું મનોબળ તૂટી જશે .
– તેમને માનસિક તાણ થી દૂર રાખો . બાળકો પર પોતાની મરજી થોપવા કરતા તેમની મનગમતી પ્રવૃત્તિ કરવા તેમને પ્રોત્સાહન આપો.
તો મમ્મ્મીઝ , બાળકો ને પરફેક્ટ બનાવવા માં એમનું બાળપણ ન છીનવો , હા તેમની સાથે સાથે રહી ને દરેક કાર્યમાં સારું પર્ફોર્મ કરવા એમને પ્રોત્સાહિત જરૂર કરો. તેમની ઈચ્છા ઓ ને પણ માન આપો તેમજ એક્ટીવીટીઝ ની સાથે રમત ગમત માટે પણ તેમને પૂરતો સમય આપો. આફટર ઓલ તમારું બાળક છે યાર હોશિયાર જ થવાનું અને આટલી એક્ટીવ મમ્મીઝ હોય પછી બાળક પણ એક્ટીવ જ થવાનું ને .
SHARE
"Life lover" Since Born. Rashmi Panchal is enthusiastic Gujarati Writer, Dancer, Copy writer, Singer. She used to spend her whole day on her hobby related works. She loves her Child most " Sneh"

LEAVE A REPLY

Please enter your comment!
Please enter your name here