ગુજરાતી ખમણ

બનાવો એકદમ ટેસ્ટી ખમણ સરળ રીત થી

∼ સામગ્રી :-

• ૨૫૦ ગ્રામ ચણા નો ઝીણો લોટ

• ૧ ટી.સ્પૂન વાટેલા આદુ મરચા

• ચપટી હિંગ

• ૨ ટી.સ્પૂન તેલ

• ૧ ૧/૨  ટી સ્પૂન લીંબુ ના ફૂલ

• ૧ ટી.સ્પૂન સાજી ના ફૂલ

• ૨ ટે.સ્પૂન વધાર માં તેલ

• ૧ ટી.સ્પૂન રાઈ

• ૧ ટી.સ્પૂન તલ

• ૪-૫ લીલા મરચા

• ૪ ટી.સ્પૂન ખાંડ

• ૧ ટે.સ્પૂન કાજુ ના ટુકડા

• ૪ ટે.સ્પૂન ઝીણી સમારેલી કોથમીર

• ૪ ટે.સ્પૂન કોપરાની છીણ

• મીઠું સ્વાદઅનુસાર

∼ રીત :-

• ચણા ના લોટ માં મીઠું ,આદુ , મરચા , હિંગ, તેલ, નાખી ખીરું તૈયાર કરવું.તેમાં લીંબુ ના ફૂલ નાખવા.

• એક વાસણ માં પાણી મૂકી, કાંઠલો મૂકી , તેના પર સ્ટીલ ની થાળી તેલ ચોપડી ને મુકવી.

• ખીરા માં સાજી ના ફૂલ નાખી એક બાજુ ખુબજ હલાવી થાળી માં રેડી દેવું. તેની ઉપર કપડું વીંટાળીને થાળી ઢાંકવી . જેથી વરાળ બહાર ના જાય. ઉપર ભાર મુકવો.૨૦ મિનીટ બાદ ચેક કરવું ખમણ ચડી ગયા હોય તો થાળી નીચે ઉતારી લો.

• ખમણ ઠંડા થાય એટલે ચપ્પુથી ચોરસમાં કાપા પડી લો, હવે વઘાર માં તેલ,તલ, રાઈ, મૂકી લીલા મરચા ઉભા સમારી ને નાના ટુકડા કરીને નાખવા.૧,૧/૨ કપ પાણી રેડવું, ખાંડ નાખવી, કાજુ ના ટુકડા કરીને નાખવા,પાણી ઉકળવા દેવું.

• હવે આ તૈયાર થયેલા વઘારને ખમણ પર રેડી ડો,

• પછી તેની ઉપર  કોથમીર  અને કોપરાની  છીણ  ભભરાવવી.

• તૈયાર છે ટેસ્ટી, ને સોફટ  ખમણ.