હરિ તારા નામ છે હજાર

      એક હોય તો ગોતાય,

ફરી ફરી ને થાકું,

     તોય તું ક્યાંથી શોધાય.

મંદિરમાં જઈ દીવો કરું કે,

     મસ્જિદ માં જઈ ધૂપ.

ગિરિજાઘર માં કરું મીણબત્તી,

      જો થતો હોય તું ખુશ.

જાત ધરમ ના વાડા એ,

      લીધો છે તને પણ વહેંચી.

તારા જ બનાવેલા માનવીઓ,

      આજે કેમ બન્યા છે વહેંશી.

સ્વર્ગ સરીખી ધરતી આજે,

       નર્ક સમી છે દીધી.

આવામાં તું જ કે ક્યાં મળશે,

       પ્રેમ ની વીરડી મીઠી.

ધરે ફરી જો તું અવતાર ધરા પર,

       મળશે જીત બુરાઈ પર.

નામ ઠામ  ને ઠેકાણું બસ,

     એક રાખજે માનવીના મન પર.