એક હાઉસવાઈફનો બાયોડેટા

 હાઉસવાઈફનો બાયોડેટા

નામ : કોઈ પણ રાખો, શું ફરક પડે છે?

જન્મ : દિકરી તરીકે અણગમતો આવકાર

ઉંમર : ૪૯થી ઉપર કોઈ પણ આંકડો ધારી લો.

સરનામું : – પહેલા પિતાનું ઘર
– હાલમાં પતિનું
– ભવિષ્યમાં દીકરાનું ઘર  કે કદાચ ઘરડાઘર

વિશેષતા : બાપની દ્રષ્ટિએ તેજસ્વી દીકરી
– મા ની દ્રષ્ટિએ નફકરી
– સાસુની દ્રષ્ટિએ દીકરાની
જિંદગી બગાડી
– વરની દ્રષ્ટિએ જૂનવાણી ને ફૂવડ
– મોટા થયેલા દિકરા/
દિકરીની દ્રષ્ટિએ : રહેવા દે તને કંઈ ખબર નહીં પડે
– પોતાની દ્રષ્ટિએ   : ખબર નથી

કાર્યાનુભવ :
– ઘરકામ….. ૩૦ વર્ષથી
– રસોડું….. ૩૦ વર્ષથી
– ઝાડુ પોતા….. ૩૦ વર્ષથી
– કપડા વાસણ….. ૩૦ વર્ષથી
ઘરના સભ્યો, સગા વ્હાલા અને મહેમાનોને સાચવવાના……૩૦ વર્ષથી

બાળકો : નંગ બે (તેમને જન્મ, ઉછેર, ભણતર, ગણતર વગેરે વગેરે)
જેમ કે……
દૂધ પાયું – ૧ વર્ષ
બાળોતિયાં બદલ્યાં – ૩ વર્ષ
ચાલતા શીખવ્યું, બોલતા શીખવ્યું, ભણતા શીખવ્યું, હોમવર્ક કરાવ્યું.
માંદગીમાં ને પરીક્ષા વખતે ઉજાગરા કર્યા વગેરે વગેરે……

જરૂરિયાત : બે ટાઈમ ખાવાનું,
-થોડા ઘણા કપડા,
-વાર – તહેવારે ને પ્રસંગે થોડા
કપડા – દાગીના કુટુંબનું સારું લાગે એટલા માટે.

અપેક્ષા : બસ પરિવાર અને પતિનો પ્રેમ

વળતર : કંઈ નહીં..

આવક : કંઈ નહીં..

બચત  : કંઈ નહીં..

પૈસાની જરૂરિયાત માટે : પતિ કે દિકરાની પાસે માંગવાના અને એ પણ વિગતવાર જરૂરિયાત શી છે એ સમજાવવું જરૂરી. પછી પણ એ લોકોનો મૂડ હોય તો મળે અને સાથે બહુ બધી શિખામણો સાથે કે તારે શી જરૂર છે વગેરે વગેરે.

પોતાની મુશ્કેલીઓ : કહેવાની મનાઈ. કહો તો કોઈ સાંભળે નહીં કે પછી સાંભળીને ભૂલી જાય.

ઘર કુટુંબમાં કદર : કંઈ નહીં.. એમાં શું ? એ તો એણે કરવાનું જ હોયને એવી બધાની માન્યતા અને કૉમેન્ટ્સ.

એમ છતાં કાયમ ફરજીયાત હસતા તો રહેવાનું જ કારણ ઘર અને કુટુંબનું સારૂ દેખાડવા અને લોકો અભિમાની ન ગણે તે માટે.

             આ બાયોડેટા ફક્ત હાઉસવાઈફ એટલે કે એક ગૃહિણી જ સમજી શકશે . જો તમે પણ એક છો અને આ બાયોડેટા તમને ક્યાય પણ તમારા રીલેટેડ લાગ્યો હોય તો ચોક્કસથી અમને તમારા પ્રતિભાવો મોકલશો .

        એક ગૃહિણીએ પોતેજ સ્વીકારેલા આ બાયોડેટા ને બદલવા નું ફક્ત સ્ત્રીના પોતાના હાથમાં જ છે. કે એણે એનો બાયોડેટા કેવો બનાવવો કે સમાજ સામે કેવી છાપ ઉભી કરવી.સ્ત્રી કોઈ બિચારી કે બાપડી નથી , આજની સ્ત્રી આધુનિક છે અને એ પોતાની રીતે ઘર અને ઓફીસ બંને ની જવાબદારી નિભાવવા સક્ષમ છે.