ખીચડો ( 5 વ્યક્તિ માટે )

સામગ્રી :-

• 400 ગ્રામ છડેલા ઘઉં

• 150 ગ્રામ તુવેર ની દાળ

• ૩૦ ગ્રામ ખારેક

• ૩૦ ગ્રામ સીંગ દાણા

• ૩૦ ગ્રામ કોપરું

• 7 – 8 નંગ કાજુ

• 50 ગ્રામ  વાલ ના દાણા

• 50 ગ્રામ તુવેર ના લીલવા

• 50 ગ્રામ વટાણા

• ચપટી સાજી ના ફૂલ

• 1 ½ ટેબલ સ્પૂન દ્રાક્ષ

• તજ લવિંગ પ્રમાણસર

• ગોળ અને ખાંડ પ્રમાણસર

• ઘી પ્રમાણસર

•  8 – 10 બદામ

• ½ નંગ જાયફળ

• 1 ટી સ્પૂન ઈલાયચી નો ભુક્કો

• ચપટી કેસર

• 2 ટેબલ સ્પૂન વાટેલા આદું મરચા

• તેલ પ્રમાણસર

• 4 – 5 આખા મરચા

• ½ ટી. સ્પૂન રાઈ

• 1 ટેબલ સ્પૂન મરચું

• ½ ટી સ્પૂન હળદર

• ¼ ટી સ્પૂન હિંગ

• ¼ ટી સ્પૂન ઝીણી સમારેલી કોથમીર

• મીઠું પ્રમાણસર

  ---

રીત :-

– છડેલા ઘઉં વધારે પાણી માં 7 – 8 કલાક પલાળવા , ત્યારબાદ ધોઈને ચાળણી માં કાઢવા , પછી કુકર માં બાફવા મુકવા , અથવા તપેલા માં ઘી લગાવી ને પાણી ઉકળે એટલે નાખવા , હલાવતા રહેવું .

– તુવેર ની દાળ ધોઈ તેમાં ખારેક , સીંગ દાણા , નાખી બાફવા મુકવી , કોપરું જુદું મુકવું , લીલું કોપરું હોય તો બાફવું નહિ છેલ્લે બધું ચડી જાય પછી નાખવું .

– ખારેક ના ચાર ઉભા કકડા કરવા , કોપરા ની લાંબી ચીપો કરવી , કાજુ ના ટુકડા કરવા .

– વાલ ના દાણા , લીલવા , વટાણા , કુકર માં વ્હીસલ વગર બાફવા , તેમાં સહેજ સાજી ના ફૂલ અને મીઠું નાખવા જેથી લીલાં રહે .

– ઘઉં સરસ ચડી જાય પછી , તેમાં તુવેર દાળ , તથા દાણા નાખવા , પછી બધું બરાબર હલાવી દેવું , કાજુ – દ્રાક્ષ નાખવા , ½ ટી. સ્પૂન તજ – લવિંગ ખાંડી ને નાખવા .

– ગળ્યો ખીચડો કરવા માટે જોઈતા પ્રમાણ માં જુદો કાઢી , તેમાં જરૂરી ગોળ અને ખાંડ નાખવી , ઘી નો વઘાર કરી તજ , લવિંગ , નાખવા , બદામ બાફીને તેની કતરી કરીને તથા ઈલાયચી અને જાયફળ નો ભુક્કો નાખવો , કેશર પાણી માં ઓગળીને નાખવું .

– તીખા ખીચડા માં મીઠું , આદું , મરચા , અને સહેજ ખાંડ નાખવા.

– તેલ નો વઘાર મૂકી તેમાં આખા મરચા , રાઈ , લાલ મરચું , હળદર, હિંગ , અને 2 – ૩ તજ , 4 – 5 લવિંગ નાખવા , કોથમીર નાખવી , ખીચડો થોડો ઢીલો રાખવો .

તૈયાર છે ગળ્યો અને તીખો ખીચડો સર્વ કરવા માટે.